રાજસ્થાની કચોરી

સામગ્રીઃ

2 ચમચી ચણાનો લોટ, 2 ચમચી ટોપરાનું છીણ, 1 ચમચી શેકેલા તલ - વરીયાળીનો ભૂકો, 1 ચમચી લાલ મરચું, મીઠું સ્વાદાનુસાર, 1 ચમચી ધાણાજીરું, 1 ચમચી ગરમ મસાલો, ખાંડ સ્વાદાનુસાર, લીંબુનો રસ સ્વાદાનુસાર, મેંદાનો લોટ જરૂર પ્રમાણે, તળવા માટે તેલ, ગ્રીન ચટણી, ગળી ચટણી, દહીં, ઝીણી સમારેલી ડુંગળી, ખારી બુંદી, કોથમીર સજાવટ માટે.

રીતઃ
સૌ પ્રથમ એક કઢાઈમાં થોડું તેલ મૂકી તેમાં ચણાનો લોટ ધીમી આંચે બદામી શેકો, ત્યારબાદ તેમાં ટોપરાનું છીણ, તલ-વરીયાળીનો ભૂકો, લાલ મરચું, મીઠું, ધાણાજીરું, ગરમ મસાલો, ખાંડ અને લીંબુનો રસ ઉમેરી મિક્સ કરી 5 મિનિટ શેકી, આ મિશ્રણ એક બાઉલમાં ઠરવા માટે કાઢી લો.

હવે મેંદાની કણકમાંથી જાડી પુરી વણો. તેમાં ચણાનાં લોટનું પૂરણ ભરી, કવર કરી ફરી પુરી વણો. આ સ્ટફ્ડ પુરી ગરમ તેલમાં બદામી તળી લો. ત્યારબાદ તૈયાર થયેલી કચોરીમાં કાણું પાડી ગ્રીન ચટણી, ગળી ચટણી, દહીં, ઝીણી સમારેલી ડુંગળી, ખારી બુંદી અને કોથમીર ઉમેરી પીરસો.